ניו דזשערסי – דאס אמעריקאנער מיליטער האט ארויסגעשיקט עף-16 פליגערס נעכטן נאכדעם וואס מערערע ציווילע פליגערס האבן פארלעצט א צייטווייליגע נאו פליי זאנע העכער פּרעזידענט טראמפּ'ס גאלף רעזארט אין בעדמינסטער, ניו דזשערסי, וואו דער פּרעזידענט האט זיך געפונען. באאמטע האבן געזאגט אז צוויי פליגערס זענען סוקסעספול פארטריבן געווארן פונעם געגנט, און אז מען גלייבט נישט אז די פארלעצונגען זענען געווען דירעקט אדער אן עכטע זיכערהייט געפאר.

יוטא – צוויי העליקאפּטער פּילאטן זענען אומגעקומען נאכדעם וואס זייער "סיקארסקי סקייקרעין" העליקאפּטער האט געקראכט אינמיטן ארבעטן צו באקעמפן א וואלדפייער אין דער פישלעיק נעשאנעל פארעסט אין יוטא. דער קראך האט שוין פּאסירט פרייטאג, נאר וואס דער טויט פון די פּילאטן איז באשטעטיגט געווארן שבת. דער קראך האט געברענגט נאך א פייער זאל זיך אונטערצינדן אינעם וואלד, און עס האט זיך צוזאמגעשטעלט מיט דעם עקזיסטירנדן וואלדפייער, וועלכע האט שוין פארברענט 174 סקווער מייל.

לאס אנדזשעלעס – וואנדאלן האבן דירעקט איבערגעשניטן מערערע "ווערייזאן" פייבער ליניעס נעכטן, פירנדיג צו ברייטע ווייערלעס און אינטערנעט אויסשאלטערונגען לענגאויס לאס אנדזשעלעס און טיילן דרום קאליפארניע. דער וואנדאליזם האט אפעקטירט טויזנטער קאסטומערס און אויך לאקאלע עמורדזשענסי קאמיוניקאציע נעצן. ווערייזאן האט באצייכנט דעם וואנדאליזם אלס א געפארפולע אטאקע אויף קריטישער אינפראסטרוקטור און באאמטע האבן געעפנט א ברייטע אויספארשונג.