|
 |
|
טראפּישער שטורעם
"איזייעס" רוקט זיך
נענטער צו האריקעין
פלארידע — טראפּישער שטורעם "איזייעס", דער ניינטער שטורעם מיט א נאמען אין היי-יאר’ס אטלאנטישן האריקעין סעזאן וואס האט זיך אנטוויקלט נעכטן מיטוואך, האט געזאלט היינט אינדערפרי איבערוויגענד זיך שטארקן אין קראפט, ווען עס רוקט זיך אריין צו די אמעריקאנער בארטנס פון פלארידע מיט ערנסטע רעגנס, ווינטן און פארפלייצונגען.
אנדערש ווי די פריערדיגע 8 שטורעמס פונעם סעזאן, ווארענען די עקספּערטן אז "איזייעס" יאגט זיך צו ווערן א פולקאמער האריקעין, בשעת’ן אנפאלן אויפ’ן “גאלף” ראיאן צווישן דאנערשטאג, און פרייטאג.
עקספּערטן פונעם “נאציאנאלן האריקעין צענטער” האבן געווארנט, אז "איזייעס" קען אויפבויען ווינטן פון איבער 100 מייל א שעה ווען עס קומט אן צו די אמעריקאנער ברעגעס פריייטאג. כאטש מ’איז געראכטן אז דער שטורעם זאל דערגרייכן דעם שטארקסטן פּונקט נאך איידער'ן אנקומען אויף די יבשה, גלויבט מען אז עס וועט נאך אלץ זיין א באדייטנדער האריקעין בשעת עס קומט צום בארטן, וואס גייט ברענגען מיט זיך גאר שטארקע ווינטן און שווערע רעגענס. נאכ'ן לאנדן אויף דער יבשה ערווארט מען דער שטורעם זאל זיך דראסטיש אפּשוואכן.
|
|
|
|
|
|
|
|
|
|
|
|
רוביא האלט אדרעס
אין אטענס
אטענס — סעקרעטערי אוו סטעיט רוביא האט געהאלטן א רעדע אין גריכנלאנד וואס האט אויסגעזען מער ווי א פּאליטישער אדרעס, ווען וויצע פּרעזידענט ווענס הייבט שוין אן אויסצופּלאנירן איבערצונעמען פּרעזידענט טראמפּ אין 28’. ער האט אראפּגעמאלן טראמפּ'ס “אמעריקע ערשט" אגענדע דורך א ברייטן “נאציאנאלן אמביציעזן בליק”. ווי "אונטער טראמפּ האט אמעריקע געמאכט א באשלוס זיך צו יאגן אומבויגזאם נאך מאכט, צוריקנעמען קאנטראל פון די סופּליי-טשעינס, אויפבויען צוריק אונזער עקאנאמיע, פארשטערקערן די פארטיידיגונג, און קעמפן צו זיין דער בעל הבית איבער די טעכנאלאגיעס און אינדוסטריעס פון דער צוקונפט”.
אפּגעצייכנט 3 יאר פונעם
אקטאבער 7 בלוטבאד
איינוואוינער אין מדינת ישראל האבן זיך נעכטן פארזאמלט נעבן די קברים פון די קרבנות פון די אקטאבער 7 אטאקעס ווען מ’האט אפּגעצייכנט דעם דריטן יארטאג פון דעם שוידערליכן פאגראם אין יאר 23', וואו אמווייניגסטנס 1,195 מענטשן זענען אומגעקומען אין דער בארבארישער אטאקע וואס כאמאס רוצחים האבן דורכגעפירט אויף מערערע ישובים נעבן עזה. דאס איז אויסער וואס 251 משכונות זענען פארכאפּט און אפגעפירט געווארן קיין עזה און 85 פון די פארכאפּטע קיין עזה זענען געשטארבן אין געפענגעניש. נאך דער שחיטה האט מדינת ישראל אונטערגענומען א מאסיוון מיליטערישן קאמפּיין אין עזה וואס האט איבערגעלאזט עזה פארוויסטעט און העכער 74,000 עזה-איינוואוינער טויט. צווישן זיי א גרויסע טייל ציווילע. דאס שליסט איין מער ווי 21,000 קינדער און איבער 11,000 פרויען און נאך נאענט צו 200,000 פארוואונדעטע.
פראנקרייך שטעלט אפּ
באנוץ פון "סטאן גראנאטן"
פּאריז — פראנקרייך האט אפּגעשטעלט דעם באנוץ פון "סטאן גראנאטן" דורך דער פּאליציי ביי די סטודענטן פּראטעסטן איבער’ן לאנד נאך א שרעקליכער פּאסירונג אנהויב וואך וואו א 15-יעריגער האט דורכדעם פארלוירן א האנט. אינערן מיניסטער לארענט נוניעז האט געמאלדן אז ער האט פארלאנגט אפּצושטעלן דעם באנוץ ביז די איינצלהייטן פון דער געשיכטע וואס האט פּאסירט מאנטאג אין דער שטאט "לענס" ווערט “אויסגעקלארט". פּרעמיער מיניסטער, סעבאסטיען לוקארנו, פארטיידיגט די אקציעס פון דער פּאליציי טראצדעם וואס פילע גרופּעס האבן אויסגעדריקט זארג אז מ'נוצט גאר איבערגעטריבענער מאכט קעגן די יוגנטליכע פּראטעסטירער.
|
|
|
|
|
|
|
|
|
|
|
|
|
האקאבי קריטיקירט
מאמדאני סטעיטמענט
וואשינגטאן — אמעריקע’ס אמבאסאדאר צו מדינת ישראל מייק האקאבי האט אפּגעצייכנט דריי יאר פון אקטאבער 7 דורך קריטיקירן און אראפּרייסן ניו יארק מעיאר זאראן מאמדאני’ס סטעיטמענט אויפ’ן יארטאג, וואו ער האט נאכ’ן אנערקענען אז כאמאס’ אטאקע האט געקאסט 1,200 לעבנס און איבער 241 משכונות פארשלעפּט קיין עזה, אויך באשולדיגט מדינת ישראל אויף באגיין גענאציד, פעלקער-מארד אין עזה אין איר מיליטערישן קאמפּיין נאכדעם, פון וואס מ'ליידט נאך היינט. האקאבי האט צוגעגליכן זיינע רייד צו ווי מ’זאל זאגן איבער סעפּטעמבער-11, אז כאטש אמעריקע האט געליטן 3,700 קרבנות, האט זי נאכדעם גע’הרג’עט אומשולדיגע אין אומזיסטע מלחמות.
מייק ראדזשערס: ענדיג טאריף מלחמה מיט קאנאדא!
דיטרויט — מישיגען'ס רעפּובליקאנער סענאט קאנדידאט מייק ראדזשערס האט זיך פריש אפּגעטרייסלט פון פּרעזידענט טראמפּ. אין א נייעם קאמפּיין עד וואס איז ארויסגעקומען מיטוואך, רופט ער צו ענדיגן די "טאריף מלחמה" מיט קאנאדע. ראדזשערס’ אדווערטייזמענט קומט אין א צייט וואס רעפּובליקאנער קאנדידאטן איבער’ן גאנצן לאנד זענען באזארגט איבער דעם שטארקן אויפברויז ביים פאלק וואס איז דא איבער די טאריף מלחמות, וואס קען זיי מאכן פארלירן קאנטראל פון קאנגרעס. אין דעם אדווערטייזמענט זאגט ראדזשערס: "דא אין מישיגן פארשטייען מיר אז קאנאדע איז נישט אונזער שונא. מיר מוזן ענדיגן די טאריף מלחמה שוין."
|
|
|
|
|
|
|
|
מינעסאטע ‘אייסיס’ סימפּאטיקער ארעסטירט
מינעסאטע — די עף-בי-איי האט ארעסטירט דעם 1א-יעריגן שעיכדון אבדולא-הי מאכאמוד, פאר’ן אנגעבליך פּלאנירן א שרעקליכע טעראר אטאקע מיט פילע קרבנות אינעם "מאלל אויף אמעריקע" אין מינעסאטע ר”ל, אלס אויסדרוק פון שטיצע פאר אייסיס. לויט דעם פעדעראלן אינדייטמענט, האט מאכאמוד געזאלט אויסשיסן מיט קוילן ביי אן צוזאמענקונפט אינעם ‘מאלל’ דעם 24'סטן אקטאבער, מיט'ן ציל צו הרג’ענען צענדליגער מענטשן. זיין ארעסט איז פארגעקומען דינסטאג נאכדעם ווי ער האט זיך איינגעהאנדלט אן AK-47 סטייל גאן און 200 קוילן, פון אן אונטערגעשטעלטן אגענט.
קינדער וועלן אויטאמאטיש קריגן "טראמפּ אקאונטס"
וואשינגטאן — פּרעזידענט טראמפּ האט נעכטן געמאלדן אז די טרעזשורי דעפארטמענט האט אויטאמאטיש רעגיסטרירט איבער 60 מיליאן קינדער אונטער אונטער 18 יאר וואס האבן א סאשעל סעקיוריטי נומער אין אין די ספּעציעלע "טראמפּ אקאונטס" וואס די רעגירונג שטעלט צו פאר סטאק אינוועסטמענטס. אנדערש ווי ביז יעצט וואס די עלטערן האבן געמוזט אליין עפענען די אקאונטס, וועלן עלטערן נאר דארפן ‘קלעימען’ די אקאונטס דורכ’ן פּראגראם'ס וועב-זייטל כדי עס צו קענען פירן אדער אריינלייגן געלט. די אקאונטס זענען טייל פון די נייע געזעץ רעפארמען פון יאר 25’ און עס ערלויבט אריינצולייגן ביז 5,000 דאלאר א יאר פון געלט וואס מ'האט שוין באצאלט דערויף שטייער. אויך וועט די רעגירונג אריינלייגן אן ערשטע אויטאמאטישע "מתנה" פון 1,000 דאלאר פאר קינדער וואס ווערן געבוירן צווישן די יארן 25’ און 29’. אבער מ'באקומט עס ערשט נאך דעם וואס די עלטערן קלעימען די אקאונט.
פייערינג סקוואד
פאר נידאל האסאן
טעקסאס — פּרעזידענט טראמפּ האט אפיציעל באשטעטיגט אויסצופירן טויט-שטראף אויף דעם געוועזענעם אמעריקאנער ארמיי פּסיכיאטער נידאל האסאן, פאר זיין שוידערליכער שיסעריי אויף דער ‘פארט הוד’ מיליטערישע באזע אין יאר 09‘ אין וועלכן 13 מענטשן זענען אומגעקומען. ס’וועט זיין דאס ערשטע מאל אין איבער 60 יאר וואס דאס אמעריקאנער מיליטער פירט אויס א טויט-שטראף, דעם קומענדיגן 3’טן דעצעמבער אין דער פארט הוד באזע, און דאס ערשטע מאל זינט דער 2’טער וועלט מלחמה וואס ס’ווערט געטאן דורך א פייערינג סקוואד. דער פּענטאגאן ווארטזאגער שאון פארנעל האט געשריבן: "דער טאג פון משפט פאר האסאן איז ענדליך דא”.
|
|
|
|
|
|
|
|
|
|
|
|
|
|
|
|
| |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
For Sale
North Miami Beach-5/3 Home In North Miami Beach With Pool, Ideally Located Near All Amenities. 10 Min Walk To Shuls, $1.6M 786-372-0788
For Rent
Monticello-Miami Beach Cottages Monticello 2 Units Of 2 Bedrooms Great Location Near Walmart Washer-Dryer Chasiddish Crowd
Fleishman’s-Fabulous 7 Bedroom Mansion,18 Beds, All Amenities Provided. Next Door To Satmar Camp With Pool/Sauna/Game Room, 2 Private Acres. Available August Serious Inquiries Only. 718-864-6492
Help Wanted
Mortgage firm with multiple locations looking for an operations manager, needs to have experience with leading multiple sales and administrative teams, needs to have
extensive mortgage experience and knowledge. We offer a referral fee of $1,000 Reach out to: [email protected]
|
|
|
|
|
|
| |
|
|
|
|
| |
|
|
|
|
| |
|
|
|
|
|
|
רבנו יצחק הזקן בן שמואל — הר"י בעל התוספות — ד"א תקצ"ט
רבי אברהם ב"ר אביגדור זצ"ל קרא — אב"ד פּראַג — ש"ג
הג"מ אלעזר בן הג"מ שמואל שמעלקא זצ"ל רוקח — אב"ד אַמסטערדאַם — בעל "מעשה רוקח“ — תק"ב
הג"מ ארי' לייב בן הג"מ יוסף הכהן זצ"ל — אב"ד סטריא — בעל "קצות החושן“ — תקע"ג
הג"מ אפרים יצחק בן הג"מ לייבוש זצ"ל — ראב"ד פּרעמיסלא — בעל "משנה ראשונה“ ו"משנה אחרונה“ — תר"ג
הג"מ שרגא שמואל בן הג"מ ברוך יודא זצ"ל שניטצלער — אב"ד טשאַבא, ירושלים — תש"מ.
|
|
|
|
|
|
| |
|
|
|
|
|
