וואשינגטאן – דער פעדעראלער ענערגיע סעקרעטאר קריס רייט האט נעכטן געזאגט אז גאזאלין פּרייזן וועלן ווארשיינליך פאלן נאך דער "לעיבאר דעי" חאגע, אבער ער האט נישט געוואלט קלאר זאגן א פאראויס-שאצונג. ער האט ערווענט אז דער פארלאנג פאר גאזאלין האט אנגעהויבן פאלן צוליב וואס דער זומער טראוועל סעזאן קומט שוין צו אן ענדע, אינאיינעם מיט העכערע פּראדוקציע און פאלנדיגע "פיוטשערס".

מיאמי – אן עמעזאן קארגא פליגער איז געפלויגן אראפּ פון א ראנוועי אינעם מיאמי אינטערנעשאנעל לופטפעלד נאכדעם וואס דער פליגער האט געלאנדעט פון סאן הואן, פּארטא ריקא, אריינקראכנדיג אין עטליכע קארס בעפאר'ן עקספּלאדירן אין העלישע פלאמען. מער ווי זעכציג פייער רעטונג יוניטס האבן רעאגירט צו דעם אינצידענט, און אלע ראנוועיס זענען געווארן צייטווייליג אפּגעשפּארט. עס זענען דא 5 טויטע און 5 פארוואונדעטע ל"ע, דערווייל לויט די יעצטיגע באריכטן.

מינעסאטע – דער מינעאפּאליס מעיאר דזשעיקאב פריי ווילן שניידן 2.7 מיליאן דאלער פון די סיטי'ס פּראגראם וואס איז געצילט אפּצושטעלן און אפּצוהאלטן געוואלדטאטן, איבערלאזנדיג אינעם פאנד בלויז 800,000 דאלער, ערווענענדיג זארגן אז דער פּראגראם ברענגט נישט קיין געהעריגע רעזולטאטן. זיין פארגעשלאגענע בודזשעט פאר'ן קומענדיגן יאר ברענגט אבער אויף זארגן אז ס'וועט ערלויבן געוואלדטאטן אנע רעגירונג שריט צו פארמיידן.